কম বয়সত চুলি পকিছে নেকি ? কিয় পকে কম বয়সত চুলি?
ধুনীয়া একোছা চুলিৰ কামনা কোনে নকৰে! কিন্তু বৰ্তমান যুগত দুৰ্বল জীৱনশৈলী, প্ৰদূষণ আৰু পুষ্টিৰ অভাৱত সময়তকৈ আগতে চুলি পকাটো এটা সাধাৰণ ঘটনাত পৰিণত হৈছে। এটা নিৰ্দিষ্ট বয়সৰ আগতে চুলি ধূসৰ হোৱাটো সঁচাকৈয়ে বহুতৰ বাবে চিন্তাৰ বিষয় হৈ পৰিছে। আজিকালি অতি কম বয়সীয়া লোকৰ চুলি পকা সমস্যা কিয় হয়? জানো আহক।
১. কম বয়সত চুলি কিয় পকে?
কম বয়সতে চুলি পকা কাৰণ হ’ল মেলানিনৰ অভাৱ। ইয়াৰ উপৰি আন এটা কাৰণ হ’ল সুষম খাদ্যৰ অভাৱ, যাৰ বাবে শৰীৰ আৰু চুলিয়ে সম্পূৰ্ণ পুষ্টি নাপায়। আমাৰ শৰীৰত এনে বহুতো কোষ আছে যিবোৰে একেলগে কাম কৰি চুলি ক’লা কৰি ৰাখে। কিন্তু এই কোষবোৰে যদি উপযুক্ত পুষ্টি নাপায় তেন্তে সঠিকভাৱে কাম কৰা বন্ধ কৰি দিয়ে। ইয়াৰ বাবে চুলিবোৰ পকিবলৈ আৰম্ভ কৰে।
২. ঔষধৰ পাৰ্শ্বক্ৰিয়া-
চিকিৎসকৰ পৰামৰ্শ অনুসৰি কিছুমান ৰোগৰ ঔষধ সেৱন কৰিলেও চুলি পকা সমস্যা হ’ব পাৰে। এনে পৰিস্থিতিত আপুনি কিছু প্ৰাকৃতিক চিকিৎসা অৰ্থাৎ কিছুমান আয়ুৰ্বেদিক প্ৰতিকাৰৰ সহায় ল’ব পাৰে। এই আয়ুৰ্বেদিক ঔষধৰ সহায়ত কেৱল আপোনাৰ পকা চুলিয়েই নহয়, আপোনাৰ দাড়িও ক’লা হৈ পৰিব।
৩. এইবোৰৰ পৰা আঁতৰি থাকক-
চুলি ধূসৰ হোৱাৰ প্ৰথম কাৰণতো হৈছে-বংশগত, দ্বিতীয়তে মানসিক চাপ। তৃতীয়টো হৈছে অতিমাত্ৰা চিন্তা, চতুৰ্থটো হৈছে অত্যধিক মদ্যপান আদি। পঞ্চমটো হ’ল গৰম প্ৰভাৱ থকা খাদ্য অত্যধিক সেৱন। এনে পৰিস্থিতিত এই আয়ুৰ্বেদিক ঔষধে আপোনাক যথেষ্ট সহায় কৰিব পাৰে।
* আমলখিৰ ৰসঃ-চুলি ক’লা কৰাত আমলখিৰ গুৰুত্বপূৰ্ণ ভূমিকা আছে। যদি আপুনি দৈনিক আমলখিৰ ৰস খায়, তেন্তে ই অতি সোনকালে আপোনাৰ চুলিক সম্পূৰ্ণ পুষ্টি প্ৰদান কৰিব। যদি আপুনি এমাহ ধৰি অবিৰতভাৱে আমলখিৰ ৰস খায়, তেন্তে আপুনি ইয়াৰ প্ৰভাৱ আপোনাৰ চুলিত দেখিবলৈ পাব।
* নৰসিংহ পাতঃ-চুলি ক’লা কৰিবলৈ নৰসিংহ পাত ব্যৱহাৰ কৰাটো অতি উপকাৰী। দৈনিক নৰসিংহ পাতৰ ৰস খালে শৰীৰ আৰু চুলিয়ে পুষ্টি লাভ কৰে। নিয়মিতভাৱে নৰসিংহ পাতৰ ৰস খালে ইয়াৰ সুফল চুলিত দেখিবলৈ পোৱা যায়। ইয়াৰ ৰস বনাবলৈ দহৰ পৰা পোন্ধৰটা নৰসিংহ পাত প্ৰায় ১০০ মিলিলিটাৰ (১০০ মিলিলিটাৰ) পানীত দি পানী আধালৈ কমি যোৱালৈকে উতলাই লওক। পানী আধা হ’লে ঠাণ্ড কৰি চেকি খাব পাৰে।
* নৰসিংহ পাত আৰু নাৰিকল তেল উপকাৰীঃ-নৰসিংহ পাত নাৰিকল তেলত মিহলাই লগালে চুলিৰ বাবে অতি উপকাৰী। এই পাত আৰু নাৰিকল তেলৰ মিশ্ৰণ প্ৰয়োগ কৰিলে চুলিখিনি স্বাস্থ্যসন্মত আৰু চিকচিকিয়া দেখা যায়। ইয়াক ব্যৱহাৰ কৰিবলৈ নাৰিকল তেলত প্ৰচুৰ পৰিমাণে নৰসিংহ পাত দি উতলাই লওক। এই তেল যেতিয়া কুহুমীয়া হৈ হ’ব তেতিয়া আপুনি লাহে লাহে চুলিৰ গুৰিত দি মালিচ কৰক।
* আমলখি পাউদাৰ সেৱন কৰিলে উপকাৰ পাব-
নিয়মীয়াকৈ নিৰ্দিষ্ট পৰিমাণৰ আমলখি গুড়ি সেৱন কৰিলে আপোনাৰ শৰীৰ আৰু চুলিৰ কোষক পুষ্টি লাভ কৰে। সেৱন কৰিবলৈ কিছু নৰসিংহ পাত পানীত সিজাই আধালৈ কমাই দিব। উতলা পানীখিনিত আমলখি গুড়ি মিহলাই লওক। ইয়াৰ পাছত যেতিয়া পানীখিনি কুহুমীয়া হৈ পৰে তেতিয়া খাব পাৰে। ই আপোনাৰ শৰীৰ আৰু চুলি দুয়োটাৰে বাবে অতি উপকাৰী।
* নাৰিকল তেল আৰু আমলখি গুড়িৰ মিশ্ৰণ-
আমলখি পাউদাৰ আৰু নাৰিকল তেল মিহলাই চুলি আৰু দাড়ি মালিচ কৰিলে অতি উপকাৰী। ইয়াৰ বাবে আমলখি গুড়িৰ পৰিমাণ নাৰিকল তেলতকৈ প্ৰায় ২৫% বেছি হ’ব লাগে। এতিয়া এই গুড়ি আৰু নাৰিকল তেল প্ৰায় এক মিনিটৰ পৰা দুই মিনিটমান উতলাই লওক। এই তেল যেতিয়া কুহুমীয়া কৰি মালিচ কৰক।
